Ноҳияи Бохтар, Вилояти Хатлон,
ТОҶИКИСТОН (+992) 900-90-08-08

es Тоҷикӣ    es Русский    es English

ИСТЕҲСОЛОТИ ҶДММ «БОХТАР ИНВЕСТ КОТТОН»

  • БОХТАР ИНВЕСТ КОТТОН

Имрӯз ин ду корхона, корхонаи пахтатозакунӣ, ки ба коркарди пахта ва истеҳсоли нахи пахта, чигит, тиббит, торак, пат ва корхонаи равғанбарорӣ, ки ба коркарди чигит ва истеҳсоли равған, кунҷораву шулха машғул мебошад, фаъолият мекунанд. Корхонаҳои амалкунандаи истеҳсолӣ замонавӣ буда, аз ҷиҳати истифодаи қисмҳои эҳтиётӣ ва қувваи барқ каммасраф мебошанд. Инчунин қайд намудан ҷой дорад, ки барои сохтмону ба истифода додани ин иншоотҳо ба андозаи 12,5 миллион сомонӣ аз ҳисоби соҳибкорони Ватанӣ харҷ карда шудааст.

Иқтидорҳои корхонаҳои номбурда коркарди 27 ҳазор тонна пахта ва 9 ҳазор тонна чигитро дар як сол дарбар мегиранд. Иқтидори солонаи маҳсулоти асосии корхонаи пахтатозакунӣ, нахи пахта зиёда аз 10 ҳазор тонна буда, истеҳсоли равған бештар аз ҳазор тоннаро ташкил медиҳад.

Корхонаи пахтатозакунӣ

Нахи пахта.

Чигит.

Тиббит.

Торак.

Пат.

Корхонаи равғанбарорӣ

Равған.

Кунҷора.

Шулха.

Азбаски дар вилоят корхонаҳои пахтатозакунӣ зиёданду ашёи хом камчин ва рақобат барои дастрасии пахта байни корхонаҳо бениҳоят калон мебошад, ҶЦММ бо роҳи маблағгузории хоҷагиҳои пахтакор бар ивази ашё, фаъолияти мӯтаъдили корхонаҳояшро таъмин менамояд. Ҳамасола бобати тақвият бахшидани соҳаи пахтакорӣ, таъмини базаи модди - техникии хоҷагиҳои пахтакор, ҶДММ ба онҳо то 20 миллион сомонй маблағгузори бо воситаи таъмин бо нуриҳои минералӣ, қисмҳои эҳтиётй, тухмӣ ва маблағҳои нақдй менамояд. Субъектҳое, ки бо ҶДММ фаъолияти муштарак доранд миқдори аз 65 то 75 хоҷагиро дарбар гирифта, масоҳати кишту кори онҳо беш аз 4000 гектарро ташкил медиҳад. Хубии кор боз дар ин аст, ки хоҷагиҳои пахтакоре, ки бо ҶДММ ҳамкорӣ менамоянд мизоҷони доимӣ ба шумор рафта, ҳамасола бо он шартномабандӣ бобати роҳандози карда шудани ҳамкориҳоро доранд ва ҶДММ, ки аз боварии хоҷагиҳо бархурдор мебошад, аз пайи дарёфти ашё кам дар ташвиш мебошад.

Таъмини фаъолияти босуботи истеҳсолот дар ҳолате, ки инак чанд сол мешавад, ки ҷаҳонро бӯҳрони молиявию иқтисоди печидааст заҳмати шабонарӯзиро тақозо менамояд. Гап сари он меравад, ки арзиши ашё барои корхона - пахтай хом сол то сол баланд шуда, нархи нахи пахта дар бозори ҷаҳонӣ паст шуда истодааст. Дар мавсими гузашта ҶДММ аз хоҷагиҳои пахтакор ба андозаи 22 миллион сомонй пахта харидорӣ кардааст ва барои пӯшондани он бояд нахи пахтаро бо арзиши баланд ба фурӯш барорад. Бинобар ин зарурияти то ба ҳади ниҳои коркард намудани маҳсулотҳои аз пахта истеҳсолшуда расидааст, ки Ҷамъият ба он омодаги мегирад.